Трагедија ја потресе Велика Горица во Хрватска – жена извршила самоубиство скокајќи од зграда во центарот на градот, а полицијата во нејзиниот стан го пронашла телото на нејзината 17-годишна ќерка.

Станбената зграда беше опкружена со полициска лента, а шокираните соседи изјавија дека „ништо толку страшно никогаш не се случило” во нивниот мирен кварт.

Според првичните информации, истрагата утврдува дека мајката прво ја убила малолетната ќерка, а потоа извршила самоубиство со скок од зградата. Точните мотиви сè уште се предмет на истрага.

Полициските екипи и форензичари работат на целосно расветлување на околностите на трагедијата, која предизвика длабок шок во заедницата и пошироко во регионот.