Родителите на починатите во трагичниот мартовски пожар сè погласно бараат одговорност и конкретни одговори од правосудните органи. Тие предупредуваат дека доколку институциите не реагираат во најбрз можен рок, ќе бидат принудени да организираат сериозни протести и блокади на повеќе локации низ целата држава.

„Нашата болка не може да се опише, а уште потешко е чувството дека правдата е бавна и недостижна. Доколку надлежните молчат, ние ќе мораме да излеземе на улица“, велат дел од родителите.

Гневот кај семејствата на жртвите расте, а јавноста очекува правосудните институции да ја расветлат трагедијата и да ја утврдат одговорноста за загубените животи.

Родителите велат дека доколку до 3 октомври не ги добијат одговорите кои ги бараат, повеќе нема да има мирни маршеви, туку протести и блокади.