Американскиот претседател Доналд Трамп им порача на европските сојузници дека ќе мораат сами да се борат, бидејќи Америка нема да им помага во обезбедување на Хормушкиот Теснец.

„Сите оние земји кои не можат да дојдат до авионско гориво поради Хормушкиот Теснец, како Обединетото Кралство кое одби да учествува во уривањето на иранскиот режим, имам предлог: прво, купувајте од САД, имаме доволно, и второ, соберете малку храброст, одете до Хормушкиот Теснец и едноставно преземете го“, напиша Трамп на Трут Сошал.

Тој истакна дека Иран е „суштински уништен” и дека „најтешкиот дел е завршен”, повикувајќи ги Европјаните да научат како сами да се борат. Конфликтот помеѓу САД, Израел и Иран започна кон крајот на февруари со напади на воени и нуклеарни цели, по што Иран возврати со ракети и го блокираше теснецот критичен за глобалното снабдување со нафта.