Американскиот претседател Доналд Трамп изјави дека претставници на Иран веќе тајно воспоставуваат контакт со Соединетите Американски Држави, но избегнуваат јавно да зборуваат за тоа поради страв.

„Тие многу сакаат да постигнат договор, но се плашат да го кажат тоа”, изјави Трамп. Според него, зад затворени врати веќе постојат обиди за зближување меѓу Техеран и Вашингтон, иако официјалното непријателство продолжува.

Трамп додаде дека иранските претставници се наоѓаат во незавидна позиција и стравуваат од последиците доколку нивните контакти со американската страна бидат откриени. „Се плашат дека нивните луѓе или луѓе од Соединетите Држави може да ги убијат”, рече тој.

Тврдењата доаѓаат во време на зголемени тензии на Блискиот Исток, каде конфликтите и политичките притисоци дополнително го комплицираат односот меѓу Иран и Западот. Од Техеран засега нема официјална потврда за какви било преговори.

Аналитичарите оценуваат дека доколку Трамповите тврдења се точни, тоа може да значи дека двете страни бараат излез од ескалацијата, но без политичкиот ризик што доаѓа со јавно признавање на преговорите.