Американскиот претседател Доналд Трамп изјави дека новото иранско раководство е „многу разумно” и дека американските и иранските претставници се сретнале „директно и индиректно”.

Истовремено, Трамп повтори дека заплената на иранската нафта е неговата „омилена опција”, додавајќи дека е убеден оти американско-израелската воена акција довела до промена на режимот во Иран.

„Би ја заплениле иранската нафта, тоа е мојата омилена опција. Но некои глупави луѓе во САД прашуваат зошто”, рече Трамп, сугерирајќи дека размислува за заземање на стратешкиот остров Харг.

Противречните изјави – од една страна опишување на иранското раководство како разумно, а од друга закани со заплена на нафтени ресурси – ги збунуваат дипломатите и ги компликуваат веќе напнатите преговори за прекин на огнот.