На националниот портал за електронски услуги uslugi.gov.mk се воведени три нови дигитални услуги кои го заокружуваат пакетот за високото образование.

Новите услуги вклучуваат: формулар за дипломирани студенти на додипломски студии, формулар за лица со стекнат степен магистер/специјалист и формулар за доктори на науки кои одбраниле докторска дисертација.

Министерот за дигитална трансформација Стефан Андоновски изјави дека со овие услуги целосно се затвора пакетот за високо образование. Времето за пополнување на формуларите е намалено од 10 минути на само 1-2 минути, бидејќи податоците автоматски се повлекуваат од достапните бази.

Порталот за е-услуги се стабилизираше на 10.000 услуги месечно за граѓаните – десеткратно зголемување од почетните 1.400 услуги. Директорот на Завод за статистика Дејан Станков нагласи дека услугите овозможуваат побрзо и поедноставно доставување на статистички податоци.