Настанот ќе биде збогатен со репертоар на познати музички изведувачи.

Под мотото „Вкуси ја традицијата преку домашна здрава храна“ утре во Градскиот парк во Скопје ќе се одржи Саемот за храна „Вкуси ја традицијата преку домашна здрава храна”. Промовирани ќе бидат производите „Македонско најдобро“ кои, како што информира Министерството за земјоделство, шумарство и водостопанство (МЗШВ), претставуваат синоним за квалитет.

Саемот за храна ќе понуди богат избор на свежо овошје и зеленчук, млечни производи, мед, преработки од овошје и зеленчук и вино, подготвени со внимание и љубов кон традицијата.

Настанот ќе биде збогатен со репертоар на познати музички изведувачи.

Саемот за храна го организира здружението „Наша традиција, наша иднина“ со поддршка на Министерството за земјоделство, шумарство и водостопанство.