Обилни дождови предизвикаа големи поплави во североисточниот дел на Шпанија, при што најтешко е погоден регионoт Каталонија. Десетици луѓе останале заробени во своите автомобили, додека надојдените води ги преплавуваат улиците во градовите Ла Рапита и Санта Барбара во покраината Тарагона.

На социјалните мрежи кружат драматични снимки од порои што носат автомобили, отпад и земја, претворајќи ги улиците во реки од кал.

Поради опасноста, шпанската метеоролошка служба AEMET прогласи црвена тревога – највисок степен на опасност за крајбрежниот дел на Каталонија. Иако засега нема пријавени жртви, властите предупредуваат на сериозен ризик од нови свлечишта и поплави.

Каталонската агенција за цивилна заштита ги повика жителите на делтата на реката Ебро да не ги напуштаат своите домови. Според прогнозите, во само 12 часа може да наврнат и до 180 милиметри дожд, што е повеќе од просечната месечна количина за овој регион.