Србија одржа локални избори во 10 градови и општини, а претседателот Александар Вучиќ прогласи победа со резултат „10-0″ за коалицијата предводена од Српската напредна партија (СНС).

Изборниот процес беше обележан со бројни инциденти, физички пресметки и нерегуларности. Опозициските набљудувачи и студентското движење пријавија заплашување на гласачите, напади врз активисти и новинари, како и документирани повреди на изборниот процес.

Најтесен резултат беше забележан во општината Кула во Војводина, каде владејачката коалиција победи со разлика од 530 гласови. Во останатите општини, СНС освои убедливи мнозинства – од 52,96% во Аранѓеловац до 71,98% во Кладово.

За време на броењето на гласовите, полицијата направи претрес во просториите на опозицискиот Национален покрет на Србија. Околу 250.000 граѓани имаа право на глас на овие избори.