Српскиот претседател Александар Вучиќ соопшти дека армијата открила два пакети со експлозив во близина на клучна гасна инфраструктура во Канижа, северна Војводина.

„Пронајдоа два ранци, два големи пакети со експлозив со детонатори”, изјави Вучиќ на прес-конференција, нагласувајќи дека деструктивната моќ можела да предизвика значителна штета.

Вучиќ телефонски го информирал унгарскиот премиер Виктор Орбан дека нарушување на ова постројение би влијаело врз снабдувањето со гас на Унгарија и пристапот до гориво на северна Србија.

„Ќе се пресметаме немилосрдно со секој кој помислува да ја загрози виталната инфраструктура на Србија”, порача претседателот, истакнувајќи ја улогата на разузнавачките служби во спречувањето на заканата. Безбедносните сили користеле хеликоптерски единици за пребарување на обемниот терен во близина на големо езеро во регионот.