Српскиот претседател Александар Вучиќ изјави дека евентуалното распишување вонредни парламентарни избори “воопшто не треба да зависи” од резултатите на локалните избори закажани за 29 март во десет општини. Надлежните институции ќе одлучат за распишување вонредни избори, грижејќи се за интересите на Србија, а не на ниедна партија.

Вучиќ остави отворена можноста претседателските и парламентарните избори за 2027 година да се одржат одделно. Предвиде победа на Српската напредна странка на сите десет општини.

Претседателот соопшти дека наредната година СНС ќе избере претседателски кандидат за да се гарантира независноста на Србија. Во врска со европската интеграција, изјави дека Србија би го прифатила членството во ЕУ “во повеќе чекори”, со приоритет на границите, безбедноста и заедничкиот пазар.

Вучиќ го обвини Хрватска дека е “главна логистичка поддршка за уривање на Србија” во изминатата година и пол, нагласувајќи дека Белград ги одржува коректните односи со НАТО, но нема да се приклучи на алијансата.