Тешка сообраќајна несреќа се случи во неделата изутрина на магистралниот пат Кичево – Охрид, во која животот го загуби 25-годишно момче од кичевско.

Според информациите на полицијата, несреќата се случила над селото Попоец, кога се судриле возило „Нисан Навара“ управувано од Б.С. (26) од село Дрслајца, струшко, и возило „БМВ“ управувано од А.Б. (50) од село Грешница, кичевско.

Во судирот тешко повреден бил сопатникот од „БМВ“, Е.Б. (25) од Грешница, кој бил итно пренесен во Медицинскиот центар Кичево, но за жал подоцна им подлегнал на повредите.

Лекарите констатирале смрт, а по наредба на јавниот обвинител телото е предадено на обдукција.
Увид на местото на несреќата извршиле јавен обвинител и екипи од ОВР Кичево.