Украинскиот претседател Владимир Зеленски изјавил дека Украина во моментот поседува стратешки предности, благодарение на своите воени сили и зголеменото производство на одбранбена опрема откако Русија ја отпочна целосната инвазија.

Зеленски нагласил дека Соединетите Американски Држави ја побарале помошта на Украина, а не на Франција или Германија, додавајќи дека Вашингтон „одбил британски носач на авиони”. Тој изјавил дека е горд на можноста Украина да ги поддржи американските партнери.

За до сега неоткриените можности на украинските сили, Зеленски рекол: „Ги имавме овие средства уште пред една година. Едноставно не ги откривавме. Сега сите знаат дека ги имаме.”

Зеленски процени дека Европа сеуште не е доволно подготвена за глобален конфликт, иако нордиските земји покажуваат технолошка спремност. Порачал дека брзата поддршка на сојузниците е неопходна за постигнување правичен мир.