Skip to content

Битола денеска без паркирање на девет улици поради „странски делегации“: Кои се тие, не е кажано

1 мин. читање
Сподели
Битола денеска без паркирање на девет улици поради „странски делегации“: Кои се тие, не е кажано

Ако денеска, 22 ноември, возиш низ центарот на Битола, место за паркирање барај подалеку. Од 8 до 23 часот паркирањето е забрането на девет сообраќајници, а во одредени делови од градот важи изменет режим на сообраќај.

Според известувањето на ЈП „Паркинзи“ Битола, забраната ги опфаќа улицата „Филип Втори Македонски“, булеварот „Први Мај“ и улиците „Столарска“, „Добривое Радосавлевиќ“, „Никола Тесла“, „Димитар Илиевски Мурато“, „Македонска Фаланга“, „Вардарска“ и „Солунска“. Паркингот пред Домот на културата е затворен уште од вчера во 17 часот и ќе остане затворен до вечерва во 22 часот, поради манифестација и безбедносен протокол.

Од СВР Битола апелираат возачите да ги следат насоките на полициските службеници. Причината за целиот режим, според претпријатието, е „присуство на странски делегации“.

Кои делегации, колку луѓе и која манифестација – во известувањата не пишува. Граѓаните ја добија листата улици на кои не смеат да паркираат, но не и целосниот одговор зошто. Дали е толку тешко една општина да им каже на своите жители кој им доаѓа на гости?