Дваесетгодишен мотоциклист од Скопје здоби тешки повреди во сообраќајна несреќа на раскрсницата на улиците „Џон Кенеди” и „Дижон” во Скопје.

Според полицијата, несреќата се случила во 17:30 часот кога мотоцикл „Кавасаки” се судрил со „Фолксваген Пасат” со скопски регистарски таблички.

Мотоциклистот Е.Р. (20) претрпел тешки телесни повреди кои се потврдени во Ургентниот центар при болничкиот комплекс „Мајка Тереза” во Скопје. Возачот на автомобилот И.Ш. (41) не бил повреден.

Увидот го спровеле од скопското одделение за внатрешни работи. Полицијата апелира до возачите да бидат особено внимателни на раскрсниците и да ги почитуваат сообраќајните правила.