Kristal Palas fitoi trofeun e parë evropian në historinë e klubit, me fitore 1:0 ndaj Rajo Vajekanos në finalen e Ligës së Konferencës në Lajpcig. Golin e shënoi Zhan-Filip Mateta në minutën e 50-të, pas një goditjeje të refuzuar të Adam Vartonit nga portieri Augusto Bataja.

Me këtë, Palas bëhet klubi i tretë anglez që fiton këtë titull më të ri evropian, pas Çelsit dhe West Hemit. Skuadra e Oliver Glasnerit dominoi me topin në minutat e para, por pa raste të qarta. Spanjollët u përgjigjën përmes Isi Palazonit dhe Horhe de Frutos në pjesën e parë, pa rrezikuar seriozisht portën e Palasit.

Pas golit të Matetës, Palas pati raste për ta zgjeruar epërsinë - Zhereme Pino goditi shtyllën, dhe Vajekano nuk arriti të vendoste presion serioz në pjesën e dytë. Glasner përfundon mandatin në Selhurst Park me trofeun në duar, pasi ishte njoftuar tashmë se kjo ishte ndeshja e tij e fundit në stol.

Për tifozët e Palasit, ky është një moment historik - klub që dikur ishte sinonim i luftës për mbijetesë, tani ka trofe evropian në vitrinë. Dhe vend në Ligën e Evropës për sezonin e ardhshëm, si bonus.