Кристал Палас го освои првиот европски трофеј во клупската историја, со победа од 1:0 над Рајо Ваљекано во финалето на Конференциската лига во Лајпциг. Голот го постигна Жан-Филип Матета во 50-та минута, по одбиен удар на Адам Вартон од голманот Аугусто Батаља.

Со ова, Палас стана третиот англиски клуб што ја освојува оваа најмлада европска натпреварувачка титула, по Челзи и Вест Хем. Тимот на Оливер Гласнер доминираше со топката во првите минути, но без јасни шанси. Шпанците се канеа преку Иси Палазон и Хорхе де Фрутос во првото полувреме, без поголема опасност за мрежата на Палас.

По голот на Матета, Палас имаше шанса да го зголеми резултатот – Јереми Пино погоди стативата, а Ваљекано не успеа да состави сериозен притисок во второто полувреме. Гласнер го завршува мандатот во Селхурст Парк со трофеј во рацете, штом веќе беше објавено дека ова му е последен меч на клупата.

За навивачите на Палас, ова е историски момент – клуб што порано беше синоним за борба против испаѓање, сега има европски трофеј во витрината. И место во Лига Европа за следната сезона, како бонус.