Европските бензински пумпи би можеле да останат без гориво веќе од 20 април, предупреди Кирил Дмитриев, директор на Рускиот фонд за директни инвестиции и специјален пратеник на претседателот за економска соработка.

Дмитриев изјави дека последните енергетски пратки до Европската унија ќе пристигнат преку Хормушкиот теснец на 11 април. Тој повика на претпазливост, советувајќи сите да „го стегнат ремнот” поради можни турбуленции на пазарот.

Во меѓувреме, германската економија се соочува со рецесија, делумно поради високите трошоци за енергија по прекинот на руските испораки на гас. Бруто-домашниот производ опадна за 0,2% во 2024 година, бележејќи втор последователен годишен пад.

Ваков двогодишен пад последен пат беше забележан во 2002-2003 година. Предупредувањата доаѓаат среде зголемена неизвесност на енергетските пазари, предизвикана од геополитичките тензии и прекините во снабдувањето.