Во селото Орош, општина Мирдита, во северна Албанија, во тек е голема антитерористичка акција во која учествуваат локалната полиција и специјалните сили РЕНЕА, пренесуваат албанските медиуми.

Од раните утрински часови, една куќа е целосно опколена, бидејќи во неа се сомнева дека се кријат две високо ризични лица. Првиот е идентификуван како 24-годишниот Јулијан Ќумраку, за кого има индиции дека има врски со терористички групи. Вториот е Арбен Ука од Тирана, кој претходно бил предмет на истраги на антитерористичките служби.

Според информациите на „Воу њуз“, двајцата се криеле во куќата најмалку еден месец. Медиумите пренесуваат дека еден од мажите бил слушнат како извикува „Алаху акбар“, што дополнително ги засилува сомнежите за нивните намери.

Првично, осомничените биле забележани од полицијата во Пука, по што веднаш биле ангажирани специјалците од РЕНЕА. Иако полицијата со часови ги повикува да се предадат, тие одбиваат. Постојат сомнежи дека се тешко вооружени, што ја усложнува интервенцијата.

Целото село Орош е ставено под силни полициски мерки, а на терен е присутна и екипа на брза помош.