Српскиот министер за внатрешни работи Ивица Дачиќ се обрати преку својот официјален Инстаграм профил со силна порака, споделувајќи потресни фотографии по повод годишнината од Мартовскиот погром врз Србите на Косово и Метохија.

„Мартовскиот погром претставува едно од најболните сеќавања во современата српска историја. За само три дена, српски домови, цркви и манастири беа запалени, православни светилишта беа уништени, а илјадници Срби беа принудени да ги напуштат своите предедовски земји”, изјави Дачиќ.

Тој нагласи дека ова бил организиран и намерен погром, мотивиран од албанскиот сепаратизам, со јасна цел – етничко чистење на Србите од овој регион.

Дачиќ потенцираше дека и денес, повеќе од две децении подоцна, правдата за српските жртви е отсутна, додека меѓународната заедница останува рамнодушна кон судбината на Србите на Косово и Метохија.

Завршувајќи ја својата порака, Дачиќ порача: „Србија нема да молчи. Србија нема да заборави. Србија нема да прифати историско изобличување, понижување на своите жртви или обиди да се избрише секоја трага од вековното српско присуство на Косово и Метохија.”