Вицепремиерот и министер за транспорт Александар Николоски изјави дека проблемот со Бугарија може да се реши за едно попладне, доколку неколку клучни членки на ЕУ одлучат дека сакаат проширување.

„Ако има политичка волја, прашањето со Бугарија може да се реши за едно попладне”, нагласи Николоски, додавајќи дека вистинскиот предизвик не е Софија, туку недостатокот на јасно одлучување меѓу клучните европски центри за иднината на проширувањето на ЕУ.

Во однос на уставните измени, владата ја одржува позицијата дека се потребни јасни гаранции и предвидливост на евроинтеграцискиот процес пред да се пристапи кон промени.

Николоски потврди дека Македонија ги спроведува потребните реформи во рамките на Планот за раст, позиционирајќи ја земјата пред регионалните конкуренти. Тој истакна дека Македонија води достоинствена политика за влез во ЕУ без понижување на нацијата.