Советот на Општината Центар во Скопје донесе два нови детални урбанистички планови (ДУП) за просторот околу тврдината Кале. Плановите предвидуваат значително подобрување на јавниот простор со нагласок на пешачка и велосипедска инфраструктура, паркови и спортски содржини.

Наместо досегашните хотелски комплекси, новите ДУП-ови предвидуваат јавни и спортски содржини: спортски објект со површина од 9.295 квадратни метри на државно земјиште покрај реката, паркови со вкупна зелена површина од 5.354 квадратни метри, и јавни паркинг-места.

Дополнително, плановите предвидуваат нови велосипедски патеки на улиците „Самуилова” и „Лазар Лиценовски” кои ќе ги поврзат со рекреативната патека покрај Вардар. Општини ги нагласуваат целите: создавање организиран и поврзан јавен простор достапен за граѓаните, со можности за постојани музејски поставки на отворено кои ќе ја збогатат историската и културната вредност на тврдината.