За време на длабокоморска експедиција на гребен северно од Хаваи, научници откриле формација на морското дно што наликува на патека изградена од жолти тули. Истражувачкиот брод Наутилус го направил ова необично откритие додека го истражувал гребенот Лилиуокалани во заштитеното морско подрачје Папаханаумокуакеа.

„Ова е патот кон Атлантида”, воскликнал еден истражувач. „Патека од жолти тули?”, одговорил друг. „Ова е бизарно… Зборуваш сериозно?”, додал третиот член на тимот при средбата со формацијата на длабочина поголема од 3.000 метри.

Научниците објаснуваат дека формацијата е резултат на испукан хијалокластитен карпест материјал – вулкански материјал создаден при високоенергетски ерупции. Карактеристичните пукнатини под агол од 90 степени, кои создаваат изглед на тули, настанале од стресот предизвикан од циклуси на загревање и ладење поврзани со повеќекратни вулкански настани.

Истражувањата покажуваат дека само делче од океанското дно на Земјата е визуелно проучено. Студија од 2025 пресмета дека во 67 години длабокоморско истражување, луѓето прегледале помеѓу 0,0006 и 0,001 отсто од длабокото морско дно – површина од приближно 3.823 квадратни километри, помала од американската држава Род Ајленд.