Пушењето и загадениот воздух се главните фактори за добивање на хронично опструктивна болест на белите дробови (ХОББ). Во Македонија пациентите најчесто доаѓаат на преглед кај докторот во доцна фаза, кога лечењето е потешко и со ограничени резултати.

Проф. д-р Зорица Нановиќ објаснува дека честа кашлица која трае долго време најчесто се игнорира како „последица од цигарите“, додека проф. д-р Димитар Каркински нагласува дека секој пушач над 35 години најчесто развива хроничен бронхит, кој може да премине во ХОББ и дури канцер на белите дробови.

На денешниот Светски ден за заштита од ХОББ се организираа прегледи за мерење на капацитетот на дишење, а дел од граѓаните добија препорака за итна проверка во болница.

Пулмолозите истакнуваат дека децата во Македонија првпат пробуваат цигари од 8 години, а активното пушење започнува околу 12-тата година, што е многу загрижувачки за здравјето на младите.