Пратеникот на ВМРО-ДПМНЕ, Бране Петрушевски, упати нови обвинувања до поранешниот премиер Зоран Заев, поставувајќи прашања за наводен процент од инвестиција од 200 милиони евра во Тетово.

„Ветено ли му било на Заев процент од продажбата на станбените единици кои прорускиот бизнисмен Дака требало да ги гради во Тетово? Дали токму затоа СДС и ДУИ го сменија ДУП-от за Дака да може да изгради бетонска џунгла?”, запраша Петрушевски на прес-конференцијата.

Според него, покрај наводниот поткуп од 4 милиони евра за кој се зборува во аудио снимките, постојат сомнежи дека бил договорен и процент од продажбата на 2.000 станови.

Петрушевски ги повика Венко Филипче и СДСМ да престанат со молчењето и да се оградат од Заев, додека од Јавното обвинителство побара итно да го истражи случајот и да утврди каде завршиле парите.