Лајбах на 26 февруари 2027 година во 20 часот настапува во Младинскиот културен центар во Скопје, во рамките на турнејата „Laibach Musick Tour“. Концертот го носи Таксират.

Колективот е основан во 1980 година во Трбовље, а името е германскиот назив за Љубљана – провокација поради која во 1983 година им беше забрането да го користат во Југославија. Меѓу најпознатите изданија се „Opus Dei“ од 1987 година, обработките на Битлси „Let It Be“ од 1988 и „The Sound of Music“ од 2018 година. Во 2015 година настапија во Пјонгјанг, а во 2017 и во Јужна Кореја, со што станаа единствениот бенд што свирел во двете Кореи.

„Musick“ излезе на 1 мај 2026 година за Mute и е првиот студиски албум со авторски материјал по „Spectre“ од 2014 година. Песните ја критикуваат искривената реалност и имитациите создадени со вештачка интелигенција, спакувани во отворено поп форма. Во меѓувреме објавија и песна со Сенида и официјален кавер на Бијело Дугме. Со Лајбах прашањето е секогаш исто: дали ги имитираат тоталитарните симболи или ги исмеваат? Одговорот, по четириесет и шест години, и понатаму го оставаат на публиката.

Првиот контингент билети чини 1.500 денари, во ограничен број, и се продава преку mktickets.mk.