Në Koçan u hap një Qendër e re Ditore për persona me aftësi të kufizuara. Në hapje ishin ministri i Politikës Sociale, Demografisë dhe Rinisë Gjoko Velkovski, kryetari i Koçanit Vlladko Grozdanov dhe sekretari i përgjithshëm i Kryqit të Kuq Sait Saiti.

Qendra është e destinuar për persona mbi 26 vjeç me aftësi të kufizuara të rënda fizike, intelektuale ose të kombinuara. Do të ofrojë aktivitete për zhvillim personal, socializim dhe pavarësi më të madhe, të përshtatura me nevojat e secilit përdorues. Kapaciteti, sipas ministrit, është 12 përdorues në muaj.

„Ato nënkuptojnë krijimin e mundësive, mbështetje për familjet dhe ndërtimin e një shoqërie ku çdo njeri ka mundësi të barabartë të jetë aktiv dhe i përfshirë në komunitet“, deklaroi Velkovski, ndërsa nga ministria paralajmërojnë zgjerim të shërbimeve sociale më afër qytetarëve, në mjediset e tyre lokale.

Dymbëdhjetë vende do të thonë shumë për dymbëdhjetë familjet që do t'i marrin. Por shifra duhet parë me maturi, jo përmes fotografive nga hapja. Sa njerëz mbi 26 vjeç me aftësi të kufizuara të rënda në rajonin e Koçanit presin një shërbim të tillë - dhe a i numëroi dikush para se të caktonte madhësinë e qendrës?