Аналитичарот Едвард П. Џозеф ја окарактеризира амбицијата на Србија за членство во ЕУ како „фарса на Вучиќ”, тврдејќи дека Белград ја користи реториката за членство како покритие додека ги зајакнува врските со Русија и Кина.

Во изјави за германски медиуми, Џозеф тврдеше дека „Србија на ниеден начин не се движи кон ЕУ”, а Брисел свесно го овозможува тоа преку двојни стандарди. Додека Србија одбива да воведе санкции против Русија и Иран, ЕУ продолжува со финансиска поддршка.

Како доказ, тој посочи дека Србија отворила само 22 од 35 поглавја за 12 години како кандидат, додека Албанија го постигнала истото за една година.

Во однос на демократската ерозија, Џозеф ги наведе механизмите на заплашување, контрола на медиумите, популизам и клиентелизам. Тој потсети на 15 март минатата година, кога се одржа најголемиот протест во историјата на Србија, по кој следеше државна репресија.

Џозеф предупреди дека Србија нема стратешка алтернатива на членството во ЕУ и побара Германија, како лидер на Берлинскиот процес, јасно да комуницира дека реформите се услов за членство.