Нафтата мина 102 долари за барел и не планира да се врати назад. Американската блокада на Иран ги исплашила инвеститорите, а светските берзи се под силен притисок. Брент суровата нафта скокна 7,3%, WTI 8,7% – бројки кои директно се преведуваат во цена на бензинската пумпа.

Хормузскиот Теснец – низ кој минува околу 20% од светската нафта – е блокиран. Бродови менуваат курс, пловидбата е запрена. Иранскиот парламент иронично порача: „Уживајте во сегашните цени на бензин” – намекнувајќи дека ова е штотуку почетокот.

ОПЕК веќе ја снижи прогнозата за побарувачка на нафта поради конфликтот. Но тоа не ги спречува цените да растат – кога понудата е загрозена, економските модели отстапуваат пред паниката.

За Македонија, ова значи уште поскап увоз на енергенти, поскап транспорт, поскапа храна. Владата штотуку најави намалување на горивата за неколку денари – а светската цена расте за десетици долари. Математиката не е на наша страна.