Поранешниот министер за одбрана на Црна Гора и екс-пратеник на Демократската партија на социјалистите, Предраг Бошковиќ, утрово е уапсен по наредба на Специјалното државно обвинителство, како дел од истрага против криминална група организирана од бизнисменот Александар Мијајловиќ, соопшти обвинителството.

Според информациите на RTCG, со одлука на истражен судија, Мијајловиќ и поранешниот полицаец Драго Спичановиќ се притворени на 30 дена, додека обвинителката Андријана Настиќ останува без патни документи.
На полицаецот Владан Лазовиќ и поранешниот службеник Милован Павиќевиќ им е изречена мера домашен притвор.

Неофицијално, групата се сомничи за делување против безбедносниот систем и создавање криминална организација.
Специјалното државно обвинителство засега не се огласило официјално за случајот.