Ministria e Puneve te Jashtme e Ukraines hodhi kategorikisht poshte akuzat per perfshirje ne tentativën per sabotazh te gazsjellësit "TurkStream" prane Kanizhës ne Serbine veriore.

"I hedhim poshte perpjekjet per te lidhur falsisht Ukrainën me incidentin e eksplozivit te gjetur ne afersi te gazsjellësit ne Serbi. Ukraina nuk ka asnje lidhje me kete", deklaroi zëdhenësi i diplomacise ukrainase Georgij Tihij ne platformen X.

Tihij sugjeroi se incidenti me shume gjase perfaqëson nje operacion rus nen flamur te rreme, duke e pershkruar si pjese te nderhyrjes se Moskës ne zgjedhjet hungareze.

Reagimi erdhi pasi autoritetet e sigurise serbe zbuluan materiale eksplozive ne afersi te infrastruktures se gazit qe lidh Serbine dhe Hungarinë. Eksplozivi ishte i mbyllur hermetikisht dhe i paketuar posaçerisht per transport, i shoqeruar me detonatore dhe pajisje pergatitore.

Perfaqesues ushtarake serbe me pare u referuan dezinformatave rreth rastit, duke sqaruar se origjina e prodhuesit nuk tregon pergjegjesi per porositen ose kryerjen e operacionit.