Ministrja e energjetikës thotë se çmimet e rrymës në bursa sot herë-herë janë edhe zero euro për megavat-orë. Për këtë arsye, sipas saj, mund të mendohet edhe për ndryshime te blok-tarifat.

Në të njëjtën kohë, kryetari i Komisionit Rregullator për Energjetikë i thërret qytetarët që në vend se në banesa të investojnë në aksione për ndërtimin e Çebrenit dhe projekteve të tjera energjetike.

Por ndërsa disa flasin për rrymë të lirë e të tjerët për investime të reja, në planet e Shpërndarjes së Energjisë Elektrike për vitin 2027 thuhet se për mbulimin e humbjeve në rrjet do të nevojiten rreth 764.000 MWh energji elektrike, që me një çmim prej 100 euro për megavat-orë arrin rreth 4,8 miliardë denarë ose mbi 76 milionë euro në vit.

Atëherë shtrohen disa pyetje të thjeshta.

Nëse rryma është aq e lirë sa herë-herë vlen zero euro, pse qytetarët vazhdojnë të paguajnë blok-tarifa të vendosura në kohën kur rryma arrinte edhe 1.000 euro për megavat-orë?

Nëse energjetika është aq fitimprurëse sa qytetarët duhet të investojnë në digë dhe centrale, pse njëkohësisht çdo vit planifikohen miliarda denarë për mbulimin e humbjeve në rrjet?

Dhe më e rëndësishmja, a duhet që, para se t'u kërkojmë qytetarëve të investojnë në projekte të reja, më në fund të jepet përgjigje se ku zhduken miliardat denarë që çdo vit shpenzohen për humbje?

Me një fjali, shteti na thotë se rryma është e lirë, se duhet të investojmë në centrale të reja dhe se do të shpenzojmë miliarda denarë për humbje.

Pyetja është vetëm një: