Nga VLEN i drejtuan kritika të ashpra ish-ministrit të drejtësisë Bilen Salijit nga BDI, duke e akuzuar se gjatë mandatit të tij nuk bëri asnjë hap për të mundësuar që provimi i jurisprudencës të jepej edhe në gjuhën shqipe. Një çështje që zvarritet me vite, e që deri tani asnjë ministër nuk e ka zgjidhur.

„Bilen Saliji duhet të përgjigjet pse, derisa ishte ministër i drejtësisë, provimi i jurisprudencës nuk jepej në gjuhën shqipe", porositën nga VLEN. Koalicioni kujtoi se Ministrinë e Drejtësisë me vite e drejtuan kuadro të afërta me BDI-në - mes tyre Bexheti, Jashari dhe Xhaferi - por zgjidhje institucionale për këtë problem nuk erdhi.

VLEN i kthehet edhe dorëheqjes së Salijit, të paraqitur pas rastit me fëmijën Almir, e cila atëherë u paraqit si akt moral. Nga koalicioni tani pretendojnë se edhe pas asaj dorëheqjeje ai vazhdoi të mbante funksione publike, edhe pse pas vetes nuk kishte rezultate konkrete.

Pas hesapeve politike qëndron një problem real që prek njerëzit e thjeshtë - juristët e ardhshëm që me vite presin mundësinë ta japin provimin në gjuhën e tyre amtare. Pyetja është nëse VLEN, tani që kritikon, do ta zgjidhë atë që të mëparshmit e shtynin, apo edhe kjo kritikë do të mbetet vetëm edhe një deklaratë në vargun e premtimeve që ndryshojnë vetëm sipas emrit, jo sipas rezultatit.