Skip to content

Карпош ги кани граѓаните да го кројат буџетот за 2027, но форумите се во работни денови од 15 до 17 часот

1 мин. читање
Сподели
Карпош ги кани граѓаните да го кројат буџетот за 2027, но форумите се во работни денови од 15 до 17 часот

Општина Карпош ги повикува жителите да учествуваат во Форумот за граѓански буџет за 2027 година и заедно со администрацијата да ги одредат приоритетите за развој. „Да креираме заедно затоа што најдобриот буџет е оној што ги одразува вистинските потреби на граѓаните“, порачуваат од општината.

Предвидени се три форуми во холот на општинската зграда, на 18, 19 и 23 ноември, секогаш од 15 до 17 часот. Првиот е за Влае, Злокуќани и Бардовци, вториот за Карпош и Тафталиџе, а третиот за Козле, Млечен и Нерези. Предлози може да се испраќаат и по е-пошта, на [email protected].

Граѓански буџет е добра идеја и вреди секоја општина да го прави. Но деталите одлучуваат дали ова е вистинско учество или вежба за фотографии. Термините се во среда, четврток и понеделник, од 15 до 17 часот, во време кога голем дел од вработените Карпошани сè уште се на работа. Повикот не кажува ни колкав дел од буџетот всушност ќе зависи од предлозите на граѓаните.

Ако општината сака предлозите да станат проекти, следниот чекор е едноставен: да ги објави сите собрани предлози и за секој да каже дали влегол во буџетот, а ако не, зошто. Ќе го направи ли тоа Карпош кога буџетот за 2027 ќе стигне пред Советот?