Трибјут шоуто Smooth Criminal – The Live MJ Experience доаѓа за прв пат во Бугарија на 20 ноември 2026 година. Спектаклот е во Joy Station во Софија, со почеток во 20 часот.

Шоуто е посветено на Мајкл Џексон и на Jackson 5. На сцената се бенд во живо, неколку вокали, танчери што ги реконструираат најпознатите кореографии и костими инспирирани од славните настапи на кралот на попот, придружени со видео проекции. Продукцијата веќе гостувала низ регионот, меѓу другото и во Букурешт.

Во програмата се „Billie Jean“, „Beat It“, „Thriller“, „Smooth Criminal“ и „Dirty Diana“, како и „ABC“ од времето на Jackson 5. Организаторите тврдат дека тоа не е уште еден трибјут, туку пресоздавање на атмосферата на вистинска продукција на Мајкл Џексон. Таа реченица ја слушаме кај секое вакво шоу, но бенд во живо наместо матрица е конкретна разлика.

Билетите на bilet.bg се од 35 до 55 евра, односно од околу 2.160 до 3.390 денари.