Претседателот на Србија, Александар Вучиќ, изјави дека на 1 ноември очекува насилство во Белград, но додаде дека, според него, ништо суштинско нема да се случи, ниту ќе има поголеми политички последици.

„Јасно е дека ќе има насилство, тоа опозицијата веќе го најавува. Но, вистинскиот резултат ќе биде нивен дополнителен пад на популарноста. Нема голема филозофија тука“, рече Вучиќ, коментирајќи ги најавите на опозициските групи и студентските блокади дека 1 ноември ќе биде „ужасен ден“ за власта.

Тој додаде дека нема причина за паника меѓу граѓаните, нагласувајќи дека државните институции имаат контрола врз ситуацијата.

„Одамна помина времето кога тие имаа влијание врз безбедносните структури. Денес знаеме точно кои се тие луѓе, и нема шанси да не изненадат. Многумина веќе се заменети, а и останатите ќе бидат“, изјави српскиот претседател.

Вучиќ истакна дека волјата на народот е јасна и дека протестите на опозицијата немаат широка поддршка. „Граѓаните немаат интерес за нивниот вид отпор. Им посакувам среќа во нивната работа, нека продолжат, тоа само им штети ним“, додаде тој.