Веќе со месеци Србија живее во атмосфера на немири и незадоволство – студентите од целата земја секојдневно протестираат против актуелната власт и бараат одговорност за трагедијата во Нови Сад, каде што минатата година загинаа 16 лица по уривањето на натстрешница.

Најновиот протест во Нови Сад повторно прерасна во голем собир на илјадници граѓани, кои бараат оставка од Владата на Александар Вучиќ и јасна одговорност за човечката катастрофа.

Меѓу најгласните поддржувачи на протестите е поранешниот кошаркар и српски репрезентативец Владимир Штимац, кој отворено ја критикува власта. Тој неодамна ги повика граѓаните да ја поддржат Дијана Хрка, мајката на една од жртвите што започна штрајк со глад.

Меѓутоа, протестот заврши драматично — на социјалните мрежи се појави видео на кое се гледа моментот кога Штимац е уапсен пред зградата на РТС, што предизвика огромен револт во јавноста.

Svi za Beograd! pic.twitter.com/TWf7BSHr6D

— Vladimir Štimac (@stimac15) November 2, 2025

Министерството за внатрешни работи на Србија потврди дека се приведени 37 лица, обвинети за „нарушување на јавниот ред и мир“ пред Собранието.

Штимац, кој претходно јавно го нарече Вучиќ „лажливец“, сега стана симбол на отпорот против власта.
Дали Србија е на прагот на нова граѓанска енергија – или на уште поголеми репресии?