Според првичните информации, полициската акција „Вихор 3“ е активирана на подрачјето на Нов Белград и Земун, откако денеска на еден булевар во Нов Белград беше пронајдено мртво 25-годишно момче.

Српските медиуми јавуваат дека на телото била забележлива повреда на главата, поради што се сомнева на насилна смрт.

Вработена во блиската трафика изјавила дека одеднаш слушнала силен истрел кој ја исплашил, по што веднаш ја заклучила трафиката и се сокрила.

Очевидци, кои се затекнале во околината, потврдиле дека слушнале повеќе истрели, но никој од нив не го видел сторителот.

Според неофицијални сознанија, се претпоставува дека убиството се случило во близина на влезот на една од околните згради. Истражните органи работат на утврдување на околностите и идентитетот на напаѓачот.