Мерки на претпазливост, па притвор: што се смени во обвинителството по нападот врз Сара од Охрид?
17.11.2026
17.11.2026
17.11.2026
17.11.2026
17.11.2026
17.11.2026
17.11.2026
17.11.2026
16.11.2026
16.11.2026
17.11.2026
17.11.2026
16.11.2026
17.11.2026
17.11.2026
17.11.2026
17.11.2026
16.11.2026
15.11.2026
17.11.2026
16.11.2026
15.11.2026
17.11.2026
17.11.2026
16.11.2026
17.11.2026
16.11.2026
15.11.2026
23.04.2026
23.04.2026
12.04.2026
Три и пол години по масакрот во белградското основно училиште „Владислав Рибникар“, Србија сè уште нема одговор на прашање чиј датум го знае од првиот ден. Коста К., кој на 3 мај 2023 година уби девет ученици и еден чувар и рани уште шест луѓе, следното лето полни 18 години. Тогаш повеќе не може да остане на детската психијатрија. Каде оди потоа – никој не кажува.
Прашањето повторно го отвори Нинела Радичевиќ, мајката на убиената Ана Божовиќ. „Главното прашање за која било власт што сега е на тоа место е дали државата донела некаков закон, затоа што ние веќе три и пол години немаме решение што да се прави со него. Не постои трајно сместување за ваков вид сторител. Што се работи на тоа?“, праша таа.
Клиниката ја испразнија, него го оставија
Од денот на масакрот Коста К. е сместен во Клиниката за неврологија и психијатрија за деца и млади во Белград. Деновиве од таа клиника беа преместени сите други пациенти, бидејќи зградата е оштетена: дефект на водоводните цевки, оштетен дел од темелите и слегнување на теренот. Одлуката ја донела директорката врз основа на проценка за безбедноста на објектот, соопшти српското Министерство за здравство, кое потоа нареди итни мерки за заштита на пациентите.
Само еден пациент остана во зградата што не е безбедна за другите. „Ако се тврди дека безбедноста на таа болница е трајно нарушена и дека едноставно не е безбедна, што ќе биде со Коста? Како одеднаш тоа не е никаков проблем?“, праша Радичевиќ. Прашање што требаше да го постави Министерството, а не мајката на убиено дете.
Новата власт одговори со една реченица
Бидејќи по изборите на 25 октомври во Србија власта се менува, прашањето стигна и до Студентската листа, победниците на изборите. Одговорот: „Ова е многу важно прашање, со кое ќе се занимаваат надлежните институции кога ќе ги ослободиме, по формирањето на Владата.“ Важно прашање, без збор за решение.
Радичевиќ веќе го гледа сценариото што Балканот го знае напамет. „Новата власт ќе ја обвинува старата. Старата власт ќе каже: „Не знам јас, прашајте ги оние за кои гласавте на 25 октомври.“ Нешто не ми се допаѓа во целата оваа приказна“, рече таа, додавајќи дека по три и пол години живот со оваа рана е многу скептична кон сè.
Три и пол години без закон
Коста К. на денот на масакрот имал 13 години, помалку од два месеци до 14-тиот роденден. Според српскиот закон, под 14 години не може да одговара кривично, па по злосторството е сместен во психијатриска установа. Најавуваните законски измени не донесоа ништо формално: неговиот долгорочен статус сè уште не е решен.
Семејствата на жртвите веќе една година чекаат Апелациониот суд да одлучи во граѓанската постапка против родителите на момчето. Од пресудата во кривичната постапка во мај до ноември, според мајката, нема никакво поместување. „Како „Рибникар“ веќе никого да не го интересира. Навистина е потполна тишина“, вели таа.
Ова не е прашање што дојде ненадејно. Државата знаеше точно кога момчето ќе стане полнолетно уште во мај 2023 година. Ако за три и пол години не се нашло време за еден закон, колку ли ќе чекаат семејствата додека новата Влада ги „ослободи“ институциите?
Најновите 10 вести од оваа категорија
Подгорица сака од јануари минималецот за работа со средно образование да скокне од 600 на 1.250 евра, а пензиите да...
Гостин на државната телевизија рече дека Србија со години стагнира и е на ниво на Македонија, малку пред Косово и...
Софија се закани дека ќе ги блокира новите санкции против Русија ако од списокот не ги тргнат патријархот Кирил и...
Човекот чија партија со години ја водеше Србија сега се кара за потпретседателски места во Собранието и порачува дека Русите...
Брнабиќ и Вучиќ се жалат дека новото мнозинство не ги прашало кои одбори сакаат да ги водат. Балканот добро ја...
Новата влада во Белград уште не е ни формирана, а рускиот амбасадор веќе го повторува ставот за Косово, студентите сакаат...
Нешто повеќе од две недели по победата на „Студентска листа“, новата српска власт сè уште се расправа околу премиерот и...
Загреб ѝ порачува на Подгорица дека границата на Превлака е цената за влез во ЕУ. Македонија оваа сцена ја знае...
Основачот на платформа за бракови ги опишува жените од БиХ како сопруги за муслимани од странство, а мажите плаќаат 500...
Хрватскиот претседател пресметал дека Србија за една деценија растела исто колку Хрватска или една десетинка побрзо - без парите што...
Оваа страница користи колачиња - дали е тоа во ред? Дознај повеќе
Први дознајте кога Метла пушта нешто ново
Оставете е-маил и ќе Ви пишеме кога има нов водич или нешто ново на Метла.