Видео снимка од говорот на американскиот претседател Доналд Трамп на инвестицискиот самит во Мајами стана вирална на интернет. Трамп ги опиша американските системи за воздушна одбрана и пресретнување ракети со поедноставен, повторлив јазик.

„Морате да го видите ова, многу е кул. Ракети лансирани, ракети лансирани, ракети лансирани. Да, лансирани. Океј, подготвени сме. Ракети. 101 ракети доаѓаат кон нив. Океј, имаме околу 11 секунди за одлука. Потоа на седум секунди – пукај, пукај, пукај. Тоа е најневеројатна работа. Пукај, бум, пукај, бум. Една по една, ги урнаа како да не се ништо. Брилијантно, неверојатно”, рече Трамп.

Клипот предизвика бројни реакции, при што многу корисници го исмеваа начинот на кој претседателот ги опишува воените операции, велејќи дека комуницира „како дете”.

Трамп на инвестицискиот форум зборуваше за конфликтот со Иран, фалејќи го саудискиот престолонаследник Мохамед бин Салман, додека цените на нафтата ги достигнаа највисоките нивоа во последните четири години.