Српскиот претседател Александар Вучиќ изјави дека целосно го поддржува хрватскиот претседател Зоран Милановиќ во одлуката да го откаже самитот Брдо-Бриони закажан за мај, истакнувајќи дека таму не му е местото.

„Секогаш сакав како претседател на Србија да одам и да положам цвеќе во Јасеновац – тоа ми беше секогаш неспоредливо поважно”, рече Вучиќ, додавајќи дека не е ничиј поданик и нема да дозволи некој да се иживува над него.

Вучиќ остро го критикуваше пристапот на Милановиќ, сугерирајќи дека хрватскиот претседател можел да ги покани своите сојузници од Приштина и Тирана наместо да го откаже целиот самит. „Нека ги повика другарите од Приштина и Тирана, да не им ја кварам идилата”, порача српскиот лидер.

Тој ги отфрли и обвинувањата дека модернизацијата на српската армија претставува закана за регионалниот мир, нагласувајќи дека зборува како „слободен и слободарски претседател на Србија”.