Në seancën e fundit të gjyqit për rastin "Pulse" - klubi i natës në Koçani ku vdiqën 63 persona - një studente nga Shtipi dëshmoi se "piroteknika ishte vendosur rrezikshëm afër mysafirëve." Pajisjet ishin vendosur pas orës 1 të mëngjesit, ndërsa mysafirët ishin tashmë brenda.

Kaloi rreth një minutë nga vendosja e piroteknikës deri te shpërthimi i zjarrit. Dëshmitarja kishte regjistrim nga momentet e para të flakës.

Një i mbijetuar tjetër përshkroi si ishte bllokuar mes derës së hyrjes dhe daljes para se sigurimi ta nxirrte.

Gjyqi zvarritet

Në seancën e fundit u paraqit vetëm një dëshmitar. Shumica nuk erdhën, gjë që frustroi familjet e viktimave të shqetësuara për ritmin e ngadaltë të procesit. I akuzuari kryesor, pronari i klubit Dejan Jovanoviq i njohur si "Gazda Deko", kërkoi arrest shtëpiak për arsye shëndetësore. Prokuroria do të përgjigjet me shkrim.

35 të akuzuar, 63 të vdekur, dhe gjyqi ngjan si maratonë pa fund. Familjet presin drejtësi - dhe pyetja e vetme është nëse do ta arrijnë ndonjëherë.