Të paktën një person humbi jetën nga shpërthimi që ndodhi vonë mbrëmë në qytetin bregdetar kroat Split. Shpërthimi ndodhi në orën 22:40 në lagjen Ravna Niva - në garazh, sipas mediave kroate.

Policia menjëherë e bllokoi zonën e gjerë. Identiteti i viktimës ende nuk dihet, ndërsa televizioni kombëtar kroat HRT dhe regionali N1 raportojnë se hetimi është në rrjedhë.

Sipas njoftimit policor, indiciet fillestare tregojnë se nuk bëhet fjalë për vepër penale, por për aksident. Por detajet janë të pakta, dhe hetuesit ende duhet të përcaktojnë çfarë saktësisht shkaktoi shpërthim në garazh mjaft të fuqishëm për të marrë jetë njeriu.