Најмалку едно лице загина во експлозија која се случи доцна синоќа во хрватскиот крајбрежен град Сплит. Експлозијата се случила во 22:40 часот во населбата Равна Нива – во гаража, според хрватските медиуми.

Полицијата веднаш ја блокирала пошироката околина. Идентитетот на жртвата засега не е познат, а хрватската национална телевизија ХРТ и регионалната Н1 пренесуваат дека истрагата е во тек.

Според полициското соопштение, првичните индиции покажуваат дека не станува збор за кривично дело, туку за несреќа. Но деталите се оскудни, а истражителите допрва ќе утврдуваат што точно предизвикало експлозија во гаража доволно силна да однесе човечки живот.