Бони Тајлер, 74-годишната валиска пејачка позната по „Total Eclipse of the Heart” и „It’s a Heartache”, е во болница во Португалија после итна интестинална операција. Тимот на пејачката потврди дека „е откриена перфорација” која барала веднашна хируршка интервенција. Тајлер веќе се закрепнуваше од претходна процедура во својата куќа во Алгарве кога настанале компликации.

Здравствената криза предизвика откажување на концертот закажан за 30 мај на германскиот Open Air LIVE фестивал. Тој беше дел од европска турнеја посветена на 50-годишнината од албумот Lost in France – првиот албум кој ѝ ја отвори вратата на меѓународен успех во далечната 1976-та. Половина век подоцна, телото не дозволува турнеи.

Семејството на Тајлер го изрази незадоволството од медиумските шпекулации, изјавувајќи дека се „многу разочарани од многуте неизвесни и неосновани тврдења кои циркулираат во медиумите”. Последното официјално соопштение, од 12 мај, состојбата ја опиша како „тешка но стабилна”, со очекувања за позитивен напредок.

Од тогаш до денеска – две недели тишина. Тоа не значи нужно негативни новости. Многу често, кога фамилијата на јавна личност не зборува, тоа е затоа што не сака на печатот да му даде материјал за погрешна интерпретација. Едноставно: ништо ново што е сигурно. Толку.

Бони Тајлер изгради кариера од 40+ години со глас кој звучи како да е изгребен со шкурка. Хитот од 1983-та „Total Eclipse” остана меѓу најпродаваните сингли во историјата на британската поп музика. Сега, на 74, се бори за нешто многу позначајно од концертна турнеја – се бори за повеќе време.