Врховниот суд на Косово донесе контроверзна одлука со која ја потврди забраната за носење шамија во јавните училишта, оценувајќи дека мерката е во согласност со кодексот за облекување утврден од Министерството за образование.

Со оваа одлука, судот ја отфрли тужбата на организацијата „Арита“, која тврдеше дека забраната е дискриминаторска и дека бројни девојчиња биле исклучени од наставата само поради тоа што носеле шамија.

Во образложението, судот наведе дека Министерството има законско овластување да утврдува правила на облекување и однесување, согласно законите за предуниверзитетско и стручно образование.

Прашањето за носење шамија во Косово повторно ја поларизира јавноста, бидејќи 92% од населението е муслиманско, а верските заедници реагираат дека оваа забрана е удар врз верската слобода и негирање на личниот идентитет.

Дали Косово со оваа одлука го штити секуларниот карактер на државата – или им го одзема правото на ученичките да ја изразат својата вера?