Полицијата заплени дрога кај наплатната рампа Гостивар во акција спроведена ноќеска околу 00:10 часот. Приведени се три лица.

Полициски службеници од Единицата за борба против илегална трговија со дрога и оружје ги забележале осомничените во патничко возило Фолксваген Бора со гостиварски регистарски таблички.

За време на интервенцијата, едно од лицата исфрлило пакувања од возилото кои содржеле кафеава кристална материја и кафеав прашок. Пакувањата веднаш биле пронајдени и конфискувани.

Лицата, на возраст од 40, 48 и 70 години, сите од Гостивар и околината, се задржани во полициска станица. Во координација со јавниот обвинител, кривични пријави ќе бидат поднесени во текот на денот по скратена постапка.