На свеченото отворање на мостот Чесма во Бања Лука дојде до инцидент кога градоначалникот Драшко Станивуковиќ одби да застане до претседателот на Република Српска, Милорад Додик, за заедничка фотографија.

На снимките се гледа како Додик и Жељка Цвијановиќ го чекаат Станивуковиќ, кој не се појавува. „Го викаме да дојде да се слика, што е проблемот. Драшко, ајде”, рече Додик.

Претседателот на парламентот на Република Српска, Ненад Стевандиќ, додаде: „Ајде градоначалниче, сите ќе го поминеме мостот. Немој да зајебаваш.”

Станивуковиќ подоцна објасни дека не бил формално поканет на церемонијата и сугерираше дека ова не е прв пат градот Бања Лука да биде исклучен од протоколот на ентитетот. Тој ги нарече овие постапки „ситни игри недостојни за големи играчи” во кои одбива да учествува.

Мостот почна да се гради во ноември 2022 година, а задоцнувањата се должеа на нерешени имотни прашања, бавни дозволи и неповолно време.