Православните христијани денеска го одбележуваат Велики Петок – денот на Христовото страдање и распнување, кој се смета за наjtажниот ден во црковниот календар.

Според православната традиција, овој ден не е за лесни зборови, туку бара внатрешна тишина и духовна сериозност. Велики Петок го претставува распнувањето и смртта на Христос – не како далечен историски настан, туку како суштината на страдањето, љубовта и спасението.

„Каде светот гледа пораз, верата препознава тајна”, е пораката на овој ден кој го надминува надворешното чувство на неправда и смрт.

Постот на Велики Петок не е само диететско ограничување, туку духовно собирање и будење. Верниците се воздржуваат од јадење и пиење до изнесувањето на плаштаницата.

Утре православните христијани го празнуваат Велигден – празникот на Христовото воскресение. Во Скопје утре ќе важи посебен сообраќаен режим поради одржувањето на велигденските литургии во црквите низ градот.