Еврокомесарката за проширување Марта Кос предупреди: Западен Балкан може да ги изгуби 700 милиони евра од Планот за раст доколку реформите не се завршат до јуни 2026. Србија има уште поголем проблем – 1,5 милијарди евра замрзнати средства кои чекаат на исполнување на условите за судство, медиумска слобода и фер избори.

Кос беше јасна: „Доколку реформите не бидат завршени до јуни, регионот би можел засекогаш да остане без 700 милиони евра.” Засекогаш – не привремено, не „ќе видиме”. Хрватскиот европратеник Томислав Сокол одеше подалеку – фондовите за Србија требало да бидат суспендирани одамна, а попустливоста кон Вучиќ е пропадната политика.

За Македонија, пораката е двојна. Прво, ЕУ парите не доаѓаат автоматски – бараат конкретни резултати. Второ, ако Србија, која е најнапред во преговорите, може да изгуби 1,5 милијарди, замислете колку е кревка позицијата на земјите кои се зад неа. Дали условите на ЕУ се инструмент за реформа, или стап со кој се тепа кој ќе застане пред ногата?